Календараас өдөр судар харсан чинь гэрлэлтээ бүртгүүлэхэд боломжийн өдөр нь өнөөдөр байлаа. Гэвч янз бүрийн бүрдүүлэх бичиг баримтын бүрдэл дутсанаас бүртгүүлж чадсангүй.
Нөхөрийн иргэний үнэмлэхний хугацаа дууссанаас сунгуулахад хахуульдаад 3 хоногийн дараа гарна. Бид 2-ийн эрүүл гэсэн бичиг бас хахуульдаад маргааш гарна гэх мэтчилэн мөнгө төгрөг атгуулахгүй л бол бүтэх ажил үгүй байдаг юм байна. Өнөөдөр хяналтын эмчдээ үзүүлж декрит авах өдрөө тогтоолгов.12 сарын 24-с авах уу гэхээр нь 1,01-с авья гэчлээ. Шинэ жилээр өмсөнө гээд палааж авчихсан тэгээд ч сарын эцсээр ажлаа хийж дуусгаад нэг мөсөн сарын эхээр авах нь дээр юм шиг санагдлаа. Декрит аваад 2 сар төрөхөө хүлээж гэртээ зүгээр суумааргүй байна. Уул нь миний санаагаар болдог байсан бол 2,01-с л декритээ авмаар байна. Одоо хэдийгээр хөдлөх явахад мэдэгдэхүйц хүндрэлтэй байгаа ч гэсэн зүгээр гэртээ суумааргүй байна. Ядаж л нэг сарын цалингаа авчихвал цагаан сараар ээждээ хэдэн төгрөг өгмөөр байна. Декритээ авчихсан ч гэсэн нэг сар ажиллаж болдог болов уу? Тэгээд ч би өөрөө хүн л юм болохоор хэрэгтэй шаардлагатай юм зөндөө л гарах юм. Язралтын эсрэг тос, халат, жирэмсний трусик, хоёр хүний хөнжил, гудас, дээл, гээд л... дээр нь бас чемодан хүртэл хэрэг болж байна. Айлд очиж байгаа эмэгтэй хүнд бүх л юмнууд хэрэг болох юм. Харин ч манай хүний ээж их гайгүй хүн тулдаа л надад бүхнийг хэлж зааж зөвлөдөг. Тэрнээс биш баргийн ээжүүд ийм дотно элгэмсэг байхгүй л дээ. Тэгээд төрсний дараа хүүхдэд минь зөндөө л юм хэрэг болно тэр бүгдийг яана даа гэж бодохоор л мөнгө үнэхээр хэрэгтэй байна. Мөнгө, мөнгө, мөнгө...
Subscribe to:
Post Comments (Atom)
1 comment:
Hi Ene yazraltiin tosiig haanaas awch boloh we ene hawiin emiin sangaas asuusan b.hgui ged b,hiin
Post a Comment